EAJk Alderdi Eguna ospatuko du igandean, irailaren 24an, Gasteizen, Forondako zelaietan. Hara joan nahi dutenentzat autobusa antolatu du Azpeitiko EAJk, eta izen-ematea zabalik dago. Jeltzaleek dei egin diete alderdikide eta alderdizaleei izen-ematea ahalik eta azkarren egin dezaten. Interesa dutenek Azpeitiko EAJko mahaikideren batekin jarri beharko dute harremanetan.
Hileko hitzordua, bihar
Azpeitiko EAJ alderdiak hileroko batzarra egingo du bihar, asteartea. Jeltzaleak 20:00etan elkartuko dira Batzokian, eta EAJk dei egin die herriko alderdikide guztiei iraileko batzarrean parte har dezaten.