Lagun Onaken talde mistoko Alvaro Garciak hirugarren egin du Iruñerriko Itzulian

Uztarria.eus | Kirolak | Artikulua
2017-08-05 11:30

Alvaro Garcia, saria jasotzen. (Lagun Onak Txirrindulari Elkartea)  Ikusi haundiago | Argazki originala

Abuztuaren 1etik atzora bitartean Iruñerriko Itzulia jokatu da Nafarroan, eta Lagun Onak txirrindulari elkarteak talde mistoa osatu du lasterketan lehiatzeko. Taldeko Alvaro Garciak hirugarren postua lortu du bakarkako sailkapen orokorrean, 08:39:12 denborarekin.

Klub desberdinetako lau lagunek osatu dute Lagun Onaken Atracciones Sanz talde mistoa. "Talde propioa osatu ezean, txirrindulariei aukera eman nahi genien lasterketan lehiatzeko, eta arrazoi horregatik batu ditugu talde desberdinetako txirrindulariak", esan du Lagun Onakek. Modu horretara, talde mistoa egiteko ardura izan du herriko txirrindulari elkarteak, eta horregatik jantzi dute Atracciones Sanzen elastikoa. 

Kantabriako (Espainia) Isidoro San Justo taldeko txirrindularia da Garcia. Lasterketa, berriz, 33. urtez jokatu dute, eta lau etapek osatu dute. Iruñerrian eta Etxarri Aranatzen egin dituzte probak, eta etapa bakoitzean, gutxi gorabehera, 85 kilometrotako ibilbidea egin dute txirrindulariek. 

 

 

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa