Eibarko Lambretta Klubak marka horretako motoen topaketa antolatu du astebururako, hilaren 15erako eta 16rako. Hainbat azpeitiarrek parte hartuko du topaketan, eta, gainera, bihar, Azpeitian bazkalduko dute Eibartik barrena iritsitako motozaleek. Horrenbestez, Jose Artetxe kalean ikusgai izango dira dozenaka Lambretta. 18:00etan, berriz, Burdinbidearen Euskal Museoa bisitatuko dute.