Juan Antxieta musika eskolak ikasturte amaierako jaialdia eskainiko du asteazkenean, ekainaren 21ean, Soreasu antzokian. Bertan, musika eskolako ikasleek ikasturtean zehar musikaz ikasi dutena erakutsiko dute, kantuan zein musika instrumentu ezberdinak jota. Aurtengo jaialdiari Okurrentziyek izena jarri diote, eta klaseetan izandako hainbat 'okurrentzi' oholtzaratuko dituzte bertan. Emanaldia 19:30ean hasiko da, eta ikuskizunaz gozatu nahi dutenek ez dute sarrera ordaindu beharko.