VII. Espabilau Eguna ospatuko dute lasaotarrek zapatuan

Uztarria.eus | Festak | Artikulua
2017-06-08 18:22

Egun osorako egitaraua antolatu dute lasaotarrek hilaren 10erako. Herri-kirolak, paella txapelketa, mahai jolasak eta afaria izango dira, besteak beste.

Iazko Espabilau Eguneko irudia.  Ikusi haundiago | Argazki originala

Azken zazpi urteetan egin bezala, Espabilau Eguna ospatuko dute lasaotarrek datorren zapatuan, ekainaren 10ean. Goizean hasi eta gauera arte egongo da zer egin eta zertaz gozatu Lasaon. 

11:00etan hasiko da festa, herri-kirolekin. Lasaotarrek osatutako bi talde ariko dira elkarren artean lehian, eta honako lanak egiten arituko dira, besteak beste: trontzan, sokatiran, txinga jasotzen eta pilotan. Parte hartuko duten bi taldeak adin guztietako lasaotarrek osatuko dituzte. 

Behin kirola eginda, paella txapelketaren tartea izango da, 13:00etan. Ondoren, 14:30ean, sabelak betetzeko unea izango da, eta aurrez prestatutako paellak jateko bazkaria egingo dute frontoian. Arratsaldean, 16:00ak aldera, musean eta mahai jokoetan aritzeko aukera izango da. Beranduxeago, 17:00etan, buruhandi tailerra eskainiko dute gaztetxoentzat. Egunari amaiera emateko, afaria egingo dute Lasaoko Herri Etxean, 21:00etan hasita.

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa