Eskola kirola bultzatzeko hitzarmena sinatu dute ikastetxeek eta Udalak

Uztarria.eus | Hezkuntza | Argazkia
2017-05-16 15:44

Azpeitiko Udalak eta herriko ikastetxeek eskola kirola bultzatzeko konpromisoa berresteko hitzarmena sinatu dute. Hitzarmen horren helburua da ikastetxe guztien artean eskola kirola dinamizatzea, agenda diseinatzea eta ikasturteko ekintzetan koordinatuta aritzeko baliabideak izatea.

Udalak eskerrak eman dizkie ikastetxeei eta herriko kirol elkarteei eskola kiroleko ia ekintza guztiak elkarrekin garatzen dituztelako. "Kirolean emaitza izugarriak lortzen ditugu Azpeitian; igeriketan, saskibaloian, lasterka, futbolean… eta horren guztiaren oinarrian dago ikastetxeek zein elkarteek herritarrekin txikitatik kirolerako zaletasuna lantzeko duten konpromisoa", azaldu du Eneko Etxeberria alkateak.

(Argazkian, ikastetxeetako eta Udaleko ordezkariak)

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa