Joan den ostiralean, maiatzaren 12an, Euskal Herriko Unibertsitateak urtero antolatzen duen Udaberriko Matematika Lehiaketako sariak banatu zituzten. Bertan, Iraurgi Ikastetxeko LH 4ko Jokin Maiz eta LH 6ko Aritz Badiola sarituak izan ziren. Badiolak hirugarren saria lortu zuen, eta Maizek, berriz, laugarrena.
Hirugarren urtez antolatu du Euskal Herriko Unibertsitateak Udaberriko Matematika lehiaketa, eta guztira, Lehen Hezkuntzako, Bigarren Hezkuntzako eta Batxilergoko 437 ikaslek hartu dute parte. Bigarren fasera 51 ikastetxe sailkatu ziren, eta Iraurgi Ikastetxeko bi ikasleek finalera sailkatzea lortu zuten. Azkenean, bi azpeitiarrak saria eskutan bueltatu ziren herrira.