Auto baten eta txirrindulari batean arteko istripua izan da gaur, asteazkena, GI-631 errepidean, Landetako biribilgunean, Zumarragarako noranzkoan. Eusko Jaurlaritzaren Trafiko zuzendaritzak Uztarriari jakinarazi dionez, 12:45 aldean gertatu da istripua auto batek eta bizikletan zihoan txirrindulari batek elkar jo ostean. Anbulantzia istripuaren lekuan izan da, eta zauritu bat Zumarragarako ospitalera eraman dute. Uneotan Udaltzaingoa ari da trafikoa zuzentzen istripuaren lekuan.