Gero eta gutxiago falta da Aratzerreka festa giroan murgiltzeko; izan ere, datorren ostiralean, hilaren 12an, emango diote hasiera aurtengo sanisidroei. Ostiralean ez ezik, zapatuan eta astelehenean, San Isidro egunean, ez da festarik faltako Aratzerrekan.
Ostiralean, 19:30ean emango diote hasiera festei, aitzurrarekin igoerarekin eta txupinazoarekin. Ondoren, 20:00etan, poteoa egingo dute, jai-giroan murgiltzen hasteko. 21:00etan sabelak betetzeko txanda izango da, eta mami-jana egingo dute tabernan. Afalostean, berriz, Eneko Arbeo Antxumarri eta Aritz Garmendia soinujoleak arduratuko dira giroa alaitzeaz. Goizaldean, 03:00etan, baratzuri zopa-jana izango da.
Zapaturako, maiatzaren 13rako, antolatu dute egitaraurik oparoena, Atxue Festie-ren bueltan. Goizean mendi buelta egingo dute, eta arratsaldean ez da jolaserako tartetik faltako. Bigarren urtez jarraian, Atxurrien altxor bile jolasean parte hartzeko aukera izango da. Aitzurrak astinduz soroan gordetako sariak eskuratzeko aukera emango duen 'altxorraren bila' jolasaren aldaera da Atxurrien altxor bile. Horrez gain, aitzurren kirtenen jaurtiketan eta sokatiran aritzeko parada ere izango da.
Igandean atsedenerako tartea hartu ostean, astelehenean, San Isidro egunean, jarraituko dute festarekin. Urtero bezala, 13:00etan hasita, pilota partida jokatuko dute Ilunpeko pilotariek, eta ondoren, bazkaria egingo dute. Aitzurrarren jaitsierarekin emango diote amaiera festei.
Honakoa da 2017ko sanisidroetarako prestatu duten egitaraua, osorik:
Maiatzak 12, ostirala:
19:30ean: Aitzurraren igoera eta txupinazoa
20:00etan: Poteoa
21:00etan: Mami-jana. Ondoren, Eneko Arbeo Antxumarri eta Aritz Garmendia soinujoleak.
03:00etan: Baratzuri-zopa jana.
Maiatzak 13, zapatua. Atxur Festie
09:30ean: Suziriak
10:00etan: Mendi buelta, Izazpi-Paotxeta-Samiño
17:00etan: Zezen jolasak, Lopeneren zezenekin. Jabier Niño de Ibarrola-ri omenaldia ere egingo diote, koleta moztearekin batera.
18:30ean: Atxur Festie. Umeentzat jolasak: atxurrien altxor bile, atxur kerten jaurtiketie eta sokatira.
19:30ean: Triki-poteoa
21:00etan: Auzo-afaria, Xabier Etxaniz eta Iñigo Galdos soinujoleak girotuta.
01:00etan: Lehiaketa xelebrea: hiru arrautza egosi nork azkarrago jan. Saria: 30 euro eta dozena bat arrautza.
03:00etan: Baratzuri-zopa jana
Maiatzak 15, astelehena. San Isidro eguna
10:00etan: Suziriak
12:00etan: Meza nagusia
13:00etan: Pilota partida, Ilunpeko pilotariekin.
14:30ean bazkaria
Arratsaldean, Eneko Arbeo Antxumarri eta Attola soinujoleak.
20:30ean: Aitzurraren jaitsiera, eta festen amaiera.