Lagun Onak futbol klubeko gizonen lehen taldeak mailari eustea lortu zuen larunbatean. Azpeitiko taldeak 0 eta 1 galdu zuen neurketa, baina, hala ere, matematikoki lortu zuten mutilek datorren urtean Espainiako Hirugarren Mailan jarraitzeko txartela. Hain zuzen ere, Bigarren B Mailako Amorebieta taldearen garaipenari esker jarraituko du Azpeitiko taldeak maila horretan; izan ere, Bigarren B Mailan jarraitzea lortu zuen Amorebietak zapatuan.
Hirugarren Mailako laugarren taldearen denboraldia datorren asteburuan bukatuko du Lagun Onakek. Santurtziren aurka etxetik kanpo neurtuko dituzte indarrak Aitor Arrateren mutilek, 18:00etan hasita.
Lagun Onakek oso ondo hasi zuen denboraldia, baina pixkanaka-pixkanaka, sailkapeneko lehen postuetatik behera egin du Azpeitiko taldeak. Denboraldia bukatzeko partida baten faltan, sailkapeneko 15. postuan da Lagun Onak, 44 punturekin.