Berria txapelketaren lehen kanporaketa jokatuko zuen Ilunpek atzo, hilak 7, Frontoi Txikian, eta hurrengo fasera sailkatzeko txartela eskuratu zuten. Jokatutako hiru partidak irabazi zituzten azpeitiarrek, Gasteizko Txukun Lakuako pilotarien aurka: Alberdi eta Unanue kadeteak 22-8 gailendu ziren; Egiguren eta Iriarte jubenilek, berriz, 22-9 irabazi zuten; eta seniorretan, Etxaniz eta Murgiondo 22-15 nagusitu ziren.