Maiatzaren 1a "jai eguna ez" dela eta "borroka eguna" dela erakusteko, herritarrei kalera ateratzeko deia egin die Azpeitiko Gaztetxeak. Astelehean hasiko da aurtengo Gazte Astea, eta egun osorako egitaraua prestatu dute Langileen Nazioarteko Egunerako.
11:00etan mahai ingurua izango da Gaztetxean, eta hori bukatutakoan bazkaria egingo dute bertan. Arratsaldean, aldiz, manifestazioa egingo dute. 18:30ean abiatuko da plazatik, Borrokaz langile boterea eraiki lelopean.