Aizarnazabalgo II. Duatloia jokatuko da bihar, apirilak 22, eta hori dela eta autobus geltokietan aldaketak egongo dira. Honako autobus lineak izango dituzte aldaketak: Azkoitia-Donostia (UK01), Azkoitia-Zarautz (UK03) eta Zumaia-Zumarraga (UK06).
Azkoitia-Donostia autobus linean, Azkoititik 14:45ean, 15:45ean eta 17:45ean irteten diren autobusek ez dute geltokirik izango Iraetan, Iraetako geltokian, Arroaerrekan eta Arroabehean.
Azkoitia eta Zarautz arteko autobus lineari dagokionean, Zarautztik 16:05 irteten den zerbitzuak geltoki bakarra egingo du, San Pelaion, hain zuzen. Ibilbidea autopistaz izango denez, bertan behera gelditzen dira Gurutze Gorriko, Argiko, Meagaseko, Oikiako bidegurutzeko eta Aizarnabalgo hiru geltokiak.
Zumaia-Zumarraga linean, berriz, Zumarragako ospitaletik 15:10ean eta 16:10ean irteten diren zerbitzuak Zestoaraino iritsiko dira, ez dira Iraeta eta Zumaiaraino iritsiko. Horrez gain, aldaketak izango dira Zumaiatik abiatzen diren autobus zerbitzuetan. Hala, berez Zumaiatik 16:45ean eta 17:45ean irteten diren zerbitzuek, bihar Zestoan izango dute abiapuntua 17:00etan eta 18:00etan, eta ez Zumaian.