Gaixorik dagoelako, Koldo Almandoz zine zuzendaria ez da gaurko Sipo phantasma filmaren emanaldian izango. Paradisu Zinema zineklubak iragarrita zuenez, Almandoz Soreasu antzokian izatekoa zen gaur iluntzean, 21:00etatik aurrera, Sipo phantasma filma aurkezten, baina filma emango duten arren, zuzendaria ez da bertaratuko.
Bi astetik behin, ostegunetan, ikus-entzunezko lan bat eskaintzen du Azpeitiko zineklubak, eta, azaroaz geroztik, pertsona ezagunei filmak aukeratzeko parada ematen die Paradisu Zinemakoek.