Urtero bezala, herriko autobus geltokietan aldaketak eragingo ditu Azkoitia-Azpeitia maratoi erdiak. Bihar, zapatua, 15:30etik 19:30era iraungo dute aldaketek, Lurraldebusek eta La Guipuzcoanak jakinarazi dutenez. Hauek dira aldaketak, geltokiz geltoki:
- Loiolako geralekua tren geltoki zaharraren aurrealdera aldatuko da.
- Sanjuandegiko geltokia, suhiltzaileen parke aurrera.
- Anbulatorio aurrean ez da autobusik geldituko, bertan behera geldituko da geltoki hori aipatutako ordu tartean.
- Estazioko eta Julian Elorzako geltokiak saihesbidera aldatuko dituzte, trenaren museoko oinezkoentzako zubi aurrera.