Datorren asteburuan ez da ohiko zine eskaintzarik izango Soreasu antzokian, Iraurgi Ikastetxeko ikasleek eta Gen Verde Taldeak eskainiko dituzte kontzertuak direla eta. Zapatuan 20:00etan eskainiko dute zuzenekoa. Igandean, berriz, 17:30ean.
Gaur, osteguna, eskainiko dute aste honetan botako duten film bakarra, Paradisu Zinema Azpeitiko Zineklubak antolatuta. Hala, Merci Patron! filma izango da ikusgai 21:00etan hasita.
Uztarria Komunikazio Taldeak Gen Verdek eta Iraurgiko ikasleek eskainiko dituzten kontzertuetarako bi sarrera zozkatuko ditu bihar. Zozketan parte hartzeko irizpideak, hemen.