Zuhaitzak txertatzeko ikastaro teorikoa antolatu du Kimu Bat Gardenek ostiralerako

Uztarria.eus | Besterik | Artikulua
2017-03-21 09:49

Ikastaroa doakoa izango da, eta izen-ematea aurrez egin behar da. Tailerra 15:30ean hasiko da, eta 19:30ean amaitzea aurreikusten dute antolatzaileek.

Kimu Bat Gardenek zuhaitzak txertatzeko ikastaro teorikoa eskainiko du datorren ostiralean, martxoaren 24an. Bertan zuhaitzak nola txertatu ikasiko dute parte-hartzaileek, horiek fruitu onak eman ditzaten. Kimu Bat Gardenen (Urrestilara bidean) eskainiko dute tailerra, 15:30etik 19:30era. Tailerra euskaraz izango da, eta saioa gidatzeaz Josu Osa arduratuko da.

Ikastaroa doakoa da, baina bertan parte hartzeko aurrez izena eman behar da, kimubat@kimubat.com helbidera idatzita edo 943-15 00 85 telefonora deituta. 

Bidali:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa