Otsaila iristearekin batera, martxoan abiatuko den serigrafia tailerraren berri eman zuen Dinamoak, eta izen-emateak oso erantzun ona izan du; izan ere, ikastaroan aritzeko plazak amaitzear daude. Gehienez 15 pertsonak har dezakete parte, eta bost plaza soilik gelditzen dira. Izen-ematea 20 euro ordaindu behar da, eta dinamoa.eus webgunean egin daiteke.
Saioak martxoaren 1etik 25era eskainiko dituzte, asteazkenetan, 18:00etatik 20:00etara eta zapatuetan 09:00etatik 13:00etara. Eskolak Alaitz Alberdik eta Mikel Alberdik emango dituzte, Dinamoan (Soreasu antzokiaren ondoan) eta Naiart dendan.