Familiekin programaren barruan, Inauterietarako mozorro tailerrak antolatu dituzte Ingurugiro Etxea museoan datozen bi igandeetarako, otsailak 12 eta 19. Museoko arduradunek azaldu dutenez, "Ingurumenaren aldeko baloreak sustatzeko eta ingurumenaren balioa familian ezagutzeko" helburuarekin jarri dute martxan Familiekin programa. Horrela, mozorro tailerren asmoa da parte hartuko dutenek Inauterietako jantziak etxeko oihalak eta arropak berrerabiliz sortzea.
Bi adin-tarterentzat prestatu dituzte tailerrak. Bietan, parte-hartzaileek material batzuk etxetik eraman beharko dituzte. Igande honetan, hilak 12, 9 eta 11 urte bitartekoek izango dute parte hartzeko aukera; kirol-jertse edo sudadera zahar bat eta oihal zatiak eraman beharko dituzte tailerrera. Otsailaren 9an, berriz, 12 eta 14 urte bitartekoen txanda izango da; bigarren saio horretara oihal handi bat edo izara bat eraman beharko dute parte-hartzaileek. Bi saioak 10:30ean hasi eta 12:00etan bukatuko dira
Bi tailerretarako izen-ematea etzi, hilak 8, itxiko dute; plazal mugatuak dira eta izena ematea, doan. Izena ematerakoan, tailerra bakarrik egingo duen edota laguntzaileren batek parte hartuko duen esan beharko du ikasleak. Izena emateko edota informazio gehiago lortzeko, Ingurugiro Etxera joan edo hango 943812448 telefonora deitu behar da.