Otsailaren azken asteburuarekin iritsiko dira aurtengo karnabalak, eta festetara begira lehendabiziko deialdiak egin ditu Udalak.
Batetik, eta urtero legez, Jai Karnabalean (otsailak 26) Itsasikoen artzain-inudeen kalejiran danborra jotzen irten nahi dutenei luzatu diete deia. Asmo horretan daudenek udaletxeko Kultura bulegoan eman dezakete izena, bertara joanez edo 943157068 telefonora deituta. Elegante Eguneko danbor-jotzaile taldean irteteko, egingo dituzte bi entsegu saioetara joan beharko da. Hilaren 17an (ostirala) eta 23an (osteguna) egingo dituzte entseguak, 20:00etan hasita, Itsasik Urola kalean duen lokalean. Jai Karnabalean bi pieza joko dituzte, ibilbide osoan bata zein bestea errepikatuz.
Inauterietarako ireki duten beste izen-ematea Astelehen Karnabaleko tabernen mozorro lehiaketarena da. Parte hartu nahi duten tabernek ere udaletxeko Kultura bulegoan eman beharko dute izena, hilaren 22a baino lehen.