Igor Froilan Azpeitiko Argazki Elkarteko kideak irabazi du 2016ko Herriz Herri argazki rallyen liga; hainbat herritako argazkilari elkarteek urtean zehar antolatutako rallyetako emaitzak kontuan hartuta osatzen dute Herriz Herri sariketaren sailkapena, eta Froilanentzat izango da iazkoaren sari nagusia.
Froilan ez ezik, Azpeitiko argazkilari gehiago ere ondo sailkatu dira 2016ko Herriz Herrin eta, guztira, lau azpeitiar ageri dira aurreneko hamar sailkatuen artean: Froilan irabazlea, Iñaki Etxenagusia (5. postuan), Juan Mari Ibarzabal (6.) eta Maider Odriozola (8.).
Zapatuan, otsailak 4, izango da 2016ko Herriz Herri argazki rallyen ligako sari banaketa ekitaldia, Irungo Argazki Elkartearen egoitzan.