Aurten ere antolatu du Azpeitiko Argazki Elkarteak oinarrizko argazkilaritza ikastaroa. Reflex motako kamera digitalen oinarrizko mailako erabilera irakatsiko dute ikastaroan; ikasle bakoitzak bere kamera eraman beharko du saioetara. Ikastaroa euskaraz emango dute
Otsailaren 1etik martxoaren 29ra emango dute ikastaroa; amaiera data aldatu daitekela aurreratu dute, hala ere, antolatzaileek. Saioak asteazken iluntzetan izango dira, 20:00etatik 21:30era, elkartearen egoitzan (Perez Arregi plazako 1. zenbakian, Telefonicaren eraikin zaharreko lehen solairuan); irteera praktikoak ere egingo dituzte. Guztira, 20 orduko ikastaroa izango da
Parte hartu nahi dutenek urtarrilaren 24a dute izena emateko azken eguna; baina izen-ematearen hurrenkera errespetatuko dute antolatzaileek lehentasuna ezartzeko, hala behar izanez gero. Prezioa 60 euro dira. Izena emateko, berriz, Azpeitiko Argazki Elkartearen aae.azpeitikoargazkielkartea@gmail.com idatzi behar da mezua.