ACS taldeko Urbaser buru duen enpresa taldeak eraiki eta kudeatuko du Gipuzkoako Foru Aldundiak Zubietan jarriko duen errauste plantaren lanen lehen fasea; enpresa talde horretan dago Altuna y Uría SA Azpeitiko eraikuntza enpresa.
Urriaren 28an jakinarazi zuen Aldundiak errauskailua eraikitzeko lehian ariko ziren hiru enpresa taldeak zein ziren. GHK-k datorren abenduaren 27an jakinaraziko du, ofizialki, zeini esleituko dioten eraikuntza eta kudeaketa proiektua; baina aurreratu dute kontratazio mahaiak lehenetsi duen eskaintza zein izan den, eta hori izanda Altuna y Uría tartean duen taldearena.
Gaur, elkarretaratzea
Gaurko, ostirala, Errausketarik ez! leloarekin elkarretaratzea deitu dute Loiolan, Altuna y Uriaren bulegoen aurrean. Kontzentrazioarekin bat egiteko deia egin du Gaztetxeak.