Ohitura dutenez, Iraurgi Ikastetxekoek aurten ere Gabonen bueltan ospatuko dute beren jaialdia. Bihar, zapatua, jarria dute aurtengo zita eta, urtero legez, Izarraitz pilotalekuan eskainiko dute ikuskizuna ikasleek, 17:00etan hasita.
Baina festa giroa ez da frontoira mugatuko. Izan ere, jaialdiaren aurretik eta ondoren, ikastetxeko abesbatza eta batukada kalez kale ibiliko dira, Alde Zaharra girotzen.