Gaurtik hasi eta ostegunera, abenduaren 15era arte, hainbat emanaldi antolatu ditu Lagun Onak Mendi Bazkunak abenduko Mendi Astearen barruan. Hala, ostegunera bitartean lau ikus-entzunezko eskainiko dituzte.
Ostiralean, berriz, Lagun Onak MBren urteko batzarra egingo dute, 19:00etan, elkartearen egoitzan. Bertan honako gaiak landuko dituzte, besteak beste: 2016 urteko ekintzen balorazioa, 2016 urteko dirukontuak, 2017 aurrekontua eta 2017rako ekintzak. Ondoren, afaria izango da. Afaltzeko ostegunerako izena eman beharko da, Lagun Onak M.B-ren tabernan.
Hona hemen Mendi Asteko egitaraua:
Abenduak 12, astelehena:
Eñaut Eizagirre eta Ibai Ricoren eskutik Incognita Patagonia, 21:00etan, Lagun Onak MBren egoitzan.
Abenduak 13, asteartea:
Joxe Luis Eizagirre eta Aritz Otegiren eskutik Sumendiz sumendi, 21:00etan, Lagun Onak MBren egoitzan.
Abenduak 14, asteazkena:
Tasio eta Igor Mendizabal Goixerri-ren High Sierra 2015, 21:00etan Lagun Onak MBren egoitzan.
Abenduak 15, osteguna:
K2 Zerua Ukitzen, 21:00etan, Soreasu antzokian.
Abenduak 16, ostirala:
Bazkideen batzarra, 19.00etan, Lagun Onak MBren elkartean.