Asier Cuevas (Eibar, 1973) Azpeitiko bizilagunak atletismoko 100 kilometroko munduko txapelketan hartuko du parte aurten ere. Igandean, azaroak 27, izango du hitzordua Cuevasek Los Alcazaresen (Murtzia, Espainia).
Iaz, txapelketa berean, txapeldunordea izan zen Cuevas. Herbehereetako Winschoten herrian jokatu zen orduan 100 kilometrokoa eta Jonas Buud suediarraren atzetik sailkatu zen Cuevas bigarren postuan. 2013an, berriz, Europako txapeldun izan zen Azpeitian bizi den eibartarra, Belvesen (Frantzia).