Pablo Turrillasek kargua utzi eta astebetez lehen taldeko entrenatzailerik gabe egon ondoren, Lagun Onak futbol taldeak gaur jakinarazi du Espainiako Hirugarren Mailako taldea nork zuzenduko duen: Aitor Arrate (Markina, 1977) da Lagun Onakeko entrenatzaile berria.
Aitor Arrate 2004. urtean hasi zen entrenatzaile lanetan. 2010a arte hainbat taldetan aritu zen jokalari eta entrenatzaile lanak uztartuz. 2010-2011 denboraldian, berriz, Ondarroako Aurrera entrenatu zuen, Ohorezko Erregional mailan. Hurrengo bi denboraldiak Azkotian egin zituen, Anaitasunaren talde nagusiaren buru; Hirugarren Mailara igo ziren gorriak Arrateren lehendabiziko denboraldian. 2013-2014 eta 2014-2015 sasoietan, berriz, Bergarako entrenatzailea izan zen markinarra, Ohorezko Erregional mailan.