Herriko Kantu Jira taldeak kantu afaria antolatu du ostegun honetarako, azaroak 24. Sanagustin kulturgunean izango da afaria eta kulturgunearen atarian egin dute hitzordua, 20:00etarako, mahaiaren bueltan eseri aurretik "kantu saio txiki bat" egiteko. Afaria, berriz, 20:30ean hasiko da, eta han jarraituko dute kantu festarekin, afaltzen eta afaldu ondoren.
Parte hartu nahi duten guztiei luzatu diete afaritarako gonbita: "Herritar guztiek ateak irekita dauzkazue, parte hartu nahi izanez gero". Osteguneko afarira joan nahi dutenek, hori bai, aurrez eman behar dute izena, Sanagustinen bertan.