Gaur, urriak 24, Liburutegiaren Nazioarteko Eguna da, eta hori ospatzeko hainbat egitasmo antolatu dituzte Udal Liburutegian gaur arratsalderako.
4 eta 6 urte bitarteko haurrentzat Xalto pailazoaren emanaldia izango da, 18:00etan hasita. Antolatzaileek aurreratu dutenez, "orduz kanpo ez da inor onartuko".
Gazte zein helduentzat, aldiz, literatura solasaldia antolatu dute, eta hori ere 18:00etan hasiko da. Ainara Gorostizu idazlearen Aldamenekoa liburuaz arituko dira hizketan, eta Pako Aristik bideratuko du solasaldia.