Joseba Albizuren (Azpeitia, 1978) MMR-Powerade taldeak irabazi du aurtengo Madrid-Lisboa txirrindulari lasterketa bigarren urtez jarraian. Joan den asteburuan jokatu zuten proba, eta 31 ordu eta hamasei minutu behar izan zituzten lasterketa osatzeko. MMR-Powerade taldea Albizuk, Julen Zuberok (Lemoa), Vidal Celisek (Cartes, Kantabria) eta Joselu Gomezek (Soria, Gaztela eta Leon) osatu zuten, eta erreleboka egin zuten lasterketa.
770 kilometrorekin, geldialdirik gabeko munduko lasterketarik luzeena da Madrileko Las Rozasetik, Lisboako Nazioen Parkera doana.