Joan den abuztuan, Azpeitiko Alde Zaharraren ondarea eta Inaziotar guneak ezagutzeko hiru bisita gidatu antolatu zituen Udalak, herriko Turismo Bulegoaren bidez. Joan den hilaren 3an egin zuten aurrenekoa, eta 7an eta 10ean beste biak.
Abuztuko bisitek izandako harrera ikusita, horrelako saio gehiago egiteko asmoa azaldu du Udalak. Horrela, zapatuan, irailak 17, egingo dute laugarrena. Parte hartu nahi dutenek 18:00etan dute hitzordua, Plaza Txikian dagoen Turismo Bulegoaren atarian.