Bigarren urtez jarraian, Ipurtargi Fest eguna ospatuko dute Loiolan datorren igandean, uztailaren 10ean. Egun osorako egitaraua prestatu dute, eta ez da egitekorik faltako goizetik gauera bitartean.
Festa 11:00etan hasiko da, eta eskualdeko artisauek euren lanak ikusgai eta salgai jarriko dituzte Loiolako zelaietan. 14:00ak aldera piknika egingo dute eta horretarako norberak eraman beharko du bazkaria. 17:00etan umeentzako jolasak izango dira eta 18:00etan Kamilaren piano emanaldia. 19:00etan Kontrako eztarrixe irrati libreak zuzeneko saioa grabatuko du Loiolatik. 20:00etan berriro sabelak betetzeko garaia izango da gaztetxeko sukaldarien jantoki bejetarianoarekin. Egunari amaiera emateko kontzertuak izango dira 21:30ean hasita. Enekora eta Ekiza taldeek eskainiko dute zuzenekoa.