Ilunpekoak Atanon, Herriartekoaren finala prestatzen

Igandean, uztailak 3, jokatuko du Azpeitiak esku-pilotako Gipuzkoako Herriarteko Txapelketaren finala, Astigarragaren kontra. Donostiako Atano III.ean jokatuko da igandeko finala, 10:30ean hasita. Eta gaur, asteazkena, Atanora joan dira Ilunpeko pilotariak eta ordezkariak, finalerako materiala aukeratzera eta lan-saioa egitera. Argazkian, goian, Javier Odriozola (botileroa), Jon Alberdi eta Julen Egiguren; behean, Markel Etxaniz, Gorka Iriarte eta Unai Alberdi. (Argazkia: Gipuzkoako Pilota Federazioa).