Beste urte batez, robotika eta bideo-jokoen inguruko udalekuak antolatu ditu Iraurgi Ikastetxeak. 7 urtetik 17 urtera bitarteko ikasleei zuzendutako udalekuak dira, eta ekainaren 27tik uztailaren 22ra arte iraungo dute.
Udalekuotan, besteak beste, robotak programatzen, bideo-jokoak sortzen, droneak diseinatzen edota gasolina autoak muntatzen ikasiko dute parte-hartzaileek. "Modu horretan, pentsamendu logikoa, 3Da eta matematika gaitasunak landuko dituzte ikasleek modu praktiko eta dibertigarrian", azaldu dute antolatzaileek.
Izena emateko epea ekainaren 15ean amaitzuko da. Izena eman edota informazio gehiago nahi duenak iraurgi.eus webgunea kontsulta dezake, edo 943811668 telefonora deitu.