Zinea kalera aterako dute bihar, ostirala, Sanjuandegin. Astrid Lindgren idazleak 1941. urtean sortutako Pippi Langstrumpf pertsonaiaren inguruko film originala eskainiko dute 22:00etan hasita, Baigera II aurrean. Italiako tradizioari jarraituz eta zine zaletasuna indartu asmoz antolatu dute ekimena XJ Auzolanean taldeko kideek, Paradisu Zinema Azpeitiko Zineklubarekin eta Sanagustin Kulturgunearekin elkarlanean. Bertaratzen diren guztientzat krispetak prestatuko dituzte.