Sanjuandegiko festak direla eta, ostegunean, ekainak 2an, haurren barraka eguna izango da auzoan. Horrela, haur eta gaztetxoek barraka guztietan ibili ahal izango dute buelta bakoitzeko euro bat ordainduta, 17:00etatik 21:00etara bitartean.
Joan den zapatuan, maiatzaren 28an, hasi zen festa giroa Sanjuandegin, Umeen Egunarekin. Gaur, asteartea, jarraituko dute festetarako prestatu duten egitarauarekin, eta inklusibitatea gai hartuta, 21:00etan antzerkia eskainiko dute Xanti Agirrezabalak eta Telmo Iruretak, Izaro tabernaren aurreko plazatxoan.