Juan Antxieta musika eskolako ikasleek hiru emanaldi eskainiko dituzte gaurtik hasi eta ostiralera bitartean. Gaur, asteazkena, Artista txiki berriak emanaldia eskainiko dute Sanagustin kulturgunean, 18:00etan hasita. Bihar, osteguna, Musika Txokoa emanaldia eskainiko dute hainbat ikaslek, 19:00etan Sanagustinen. Ostiralean, aldiz, musika eta antzerkia uztartuta, Persiako azoka batean emanaldia izango da Txiki Biran egitasmoaren bueltan, kulturgunean bertan.