Lurraldebusek autobus zerbitzu bereziak iragarri ditu maiatzaren 17rako, Bruce Springsteenek Donostiako Anoeta estadioan emango duen kontzertua dela eta. Kontzertuaren ondoren jarriko dituzte ez-ohiko autobusak, tartean baita Azpeitirako ere.
Donostiatik Azkoitira doan UK01 linearako zerbitzu berezia 01:30ean izango da eta Donostiako autobus geltoki berritik aterako da.
Erreserbak
Kontzertu ondoren etxera itzultzeko autobus hori erabili nahi dutenek aurrez egin behar dute erreserba, maiatzaren 16a baino lehen. Autobusean lekua gordetzeko, mugikortasuna@gipuzkoa.eus helbide elektronikora idatzi behar dute, datu hauek emanez: linea (kasu honetan, UK01), helmugako herria, izena eta NAN-aren zenbakia.