Lagun Onak Txirrindulari Elkarteak antolatuta, Txirrindularien XLVI. Urrakiko Igoera izango da igandean, maiatzak 8. Azken urteetan bezala, Jose Artetxe kaletik hasiko da proba 09:30ean.
Txirrindulariek Zumarragatik Mandubira arte bi itzuli egin beharko dituzte Urrakiko maldei ekin aurretik. Bigarren itzulian, lasterketa Azpeititik igaroko da berriro 10:50-11:00 inguruan. Landetako Pemeceko industriagunetik ere igaroko da, 12:10-12:30 inguruan. Urrakin amaituko da proba, 13:00ak aldera.
Oier Ibarguren eta Unai Orbea Lagun Onakeko txirrindulari ohiak, probara aurkezteko asmoa dutela azaldu dute. Horiez gain, beraien taldekide izan zen Daniel Horrillo azkoitiarrak ere Urrakiko igoeran parte hartuko du.