Kakuteko Eguna dela eta, irteera antolatu du Lagun Onak Mendi Bazkunak astebururako. Larunbatean, plazan elkartuko dira parte-hartzaileak eta 16:00etan irtengo dira, autobusez zein oinez. Autobusez doazenak Aittolara eramango dituzte eta handik oinez igoko dira Xoxotera. Oinez abiatzen direnak, aldiz, xoxotera igoko dira zuzenean.
Gaua Xoxoteko aterpetxean pasatuko dute eta igandean, maiatzak 1, abiatuko dira Kakutera. Iritsitakoan bertan bazkalduko dute eta ondoren oinez jaitsiko dira Azpeitira.
Ibilaldira joan nahi dutenek ostegunera arte eman dezakete izena, Lagun Onak Mendi Bazkunaren webgunean. Umeek 27 euro ordaindu beharko dute eta helduek 35 euro, gosaria eta bazkaria barne. Bazkide ez direnek bost euro gehiago ordaindu beharko dituzte.