Hotel Loiolan sutea izan da gaur, igandea, eguerdi partean. 12:20-12:30ak aldera sukaldean frigijailu batek su hartu ondoren, tximiniaraino iritsi dira garrak eta, ondorioz, ke laino handia sortu da. Ertzaintza, Azpeitiko eta Zarauzko baseetako suhiltzaileak eta anbulantziak bertaratu dira. Hotela hustu egin dute eta, larrialdi zerbitzuek kea arnasteagatik hiru pertsona artatu badituzte ere, zauriturik ez du eragin suteak.
Ordu honetan kontrolpean dute sutea.