Otsailean aurkeztu zuten Hazilan programa (hemen, Iraurgi Berritzenek eman zuen albistea), Garapenek (Garapen Agentzien Euskal Elkartea), Eusko Jaurlaritzarekin eta Europako Gizarte Funtsarekin elkarlanean, sortutako gazteentzako laneratze-proiektua. Eskualdeetako garapen agentziak hasi dira proiektua garatzen eta, horrela, izena emateko epea ireki dute.
2016-2020 aldian gazteentzako 5.000 enplegu sortzeko helburuarekin sortu dute Hazilan; sortutako enpleguen %55, gainera, emakumeentzat izatea nahi dute. Urola Erdia eskualdearen kasuan, Iraurgi Berritzen Garapen eta Berrikuntza Agentzia izango da programa hori kudeatzeaz arduratuko dena; urtean 15 eta 20 gazte artean laneratzea da jarri duten helburua.
Parte hartu nahi duten gazteek eman beharreko lehen pausoa izena ematea da; horretarako, esteka honetan sartu behar dira: www.hazilan.eus/inscriptions/inscription. Ondoren, 24 orduko epean, Iraurgi Berritzen izena eman dutenekin kontaktuan jarriko da, programan parte har dezaten