Aste Santuko oporraldia dela eta, lurrun trenaren zerbitzu bereziak eskainiko dituzte Burdinbidearen Euskal Museoan. Ostegunean, martxoak 24, hasi eta hilaren 28ra arte, egunero lau joan-etorri egingo ditu trenak Lasaora. Martxoaren 24an, 25ean eta 26an 12:00etan, 13:00etan, 16:30ean eta 17:30ean irtengo da trena museotik. Hilaren 27 eta 28an, aldiz, 12:00etan, 13:00etan, 17:00etan eta 18:00etan.
Burdinbidearen Euskal Museoko erakusketak ere ateak zabalik izango ditu datozen egunetan. Goizez, 10:30etatik 14:00etara izango da irekita eta arratsaldez, 16:00etatik 19:30etara. Erakusketa 3 euro ordaindu beharko da. Aldiz, lurrun treneko joan-etorria egin eta trenaren museoa ikusi nahi dutenek 6 euro ordaindu beharko dituzte.