Azpeitiko Udalak bi bilera deitu ditu biharko, osteguna, azken asteotan herrian hizpide izan diren bi gai nagusiren bueltan: autobusak eta Lapatxeko zabortegia.
18:30ean, udaletxeko areto nagusian, Azpeitia-Donostia autobus linearen Amarako geltokiaz hitz egiteko batzar irekia antolatu dute, "Aldundiko Mugikortasun eta Lurralde Antolaketa Departamenduko arduradunek geltoki hori kentzeko emandako arrazoiez, eta ondoren gertatutako edota entzundako aldaketen inguruan hitz egiteko", eta "hemendik aurrerako alternatibak garatzeko".
Orduerdi beranduago, 19:00etan, jarri du Udalak hitzordua Elosiagako Añota sagardotegian, "azken asteotako albisteen ostean" eta aurrekontuak osatzeko egindako bileran "gelditu bezala", elosiagarrei Lapatx zabortegiaren egoeraz azalpenak emateko.