Eskola garraioaz hitz egiteko bilera irekia deitu biharko, otsailak 3 eta asteazkena, Azpeitiko Udalak. "Orokorrean eskola garraioaz" hitz egiteko izango bada ere, bilera iragartzeko oharrean Udalak interes berezia jarri du "batez ere" Azpeitia eta Beizama arteko autobus linearen erabiltzaileen parte-hartzea eskatzerakoan. "Bereziki Azpeitia eta Beizama arteko zerbitzuaren erabiltzaileei dei egin nahi zaie, bileran parte hartu eta zerbitzua hobetu edota egokitzeko iritziak jaso eta neurriak hartzeko", zehaztu dute.
18:30ean hasiko da bilera, udaletxeko areto nagusian.