Azpeitiko Udalak eta Uztarria Komunikazio Taldeak urtebeterako hitzarmena sinatu dute. Uztarriako kudeatzaile Eider Bereziartuak eta Azpeitiko alkate Eneko Etxeberriak sinatu zuten akordioa joan den asteazkenean, abenduaren 30ean. Ondorioz, hedabideak 2015ean 31.583,26 euroko diru-laguntza jaso du. Uztarriaren proiektu edo produktu osagarrientzat, berriz, 2.463 euroko laguntza bideratu du Udalak. Orotara, beraz, 34.046,26 euro jaso ditu hedabideak.
Herriko euskarazko hedabideak diruz laguntzea aho batez onartu zuten udalean ordezkatuta dauden alderdiek, 2015eko apirileko udalbatzarrean.