Gaur, astelehena, hasi da aurtengo Jubilatuen eta Pentsiodunen Astea. Baigera Ien izan dituzte aurreneko zitak, David Alvearren hitzaldiarekin lehendabizi eta txokolate janarekin ondoren (argazkian).
Igandera arte, herriko jubilatuek egunero izango dute hitzorduren bat aukeran. Urtero bezala, bazkari batekin bukatuko dute astea, eta bertan izan nahi dutenek bihar, asteartea, dute izena emateko azken eguna.
Egitaraua
Azaroak 24, asteartea
16:00etatik 18:30era Bingo saioa Sanjuandegiiko Baigeran.
Ondoren, txokolatada.
Azaroak 25, asteazkena
16:00etan karta-joko txapelketak. Musa Baigera Ien, eta tute eta eskoba txapelketak Baigera IIn.
Azaroak 26, osteguna
14:30ean Donostiako Aquariumera irteera.
Ondoren, Aginagako sagardotegian merienda.
Azaroak 27, ostirala
17:00etan Bingoko sari banaketa ekitaldia Baigera Ien.
Ondoren, txokolatada eguneko zentroan.
Azaroak 28, zapatua
09:10ean irtenda, mendi ibilaldia Zumarragatik Aizpurutxora. Ibilaldia egindakoan, hamaiketakoa egingo dute Aizpurutxoko tabernan.
Azaroak 29, igandea
09:15ean kalejira.
11:00etan hamaiketakoa Baigera Ien.
12:30ean hildako bazkideen aldeko meza parrokian.
14:15ean 90 urteko herritarren bazkaria. Ondoren, omenaldia eta sari banaketa.