Udaleko Gizarte Zerbitzuen sailak bi ikastaro antolatu ditu, Guraso Eskolen baitan. 'Seme-alabekin alkohola eta drogen kontsumo arduratsuan hezitzen' ikastaroa 12 eta 16 urte bitarteko gazteen gurasoei zuzenduta dago, eta 'Guraso noiz arte? Nola lagundu seme-alabei, jada gazte-helduak izanik' ikastaroa, berriz, 17 eta 22 urte arteko gazteen gurasoentzat prestatu dute. Bi ikastaroak lau saiotan banatuta emango dituzte, azaroan eta abenduan zehar.
Ikastaro berriotarako izen-ematea azaroaren 6a baino lehen egin beharko da. Parte hartu nahi dutenek Udaleko Gizarte Zerbitzuetara joan beharko dute, edo 943157192 telefonora deitu. Prezioa 10 eurokoa da; ordaindu ezin dutenentzat, beka bidezko diru-laguntza bideratuko du Udalak.