Karting eta supermotard erakustaldia izango da zapatuan, hilak 26, Soreasu eta Damaso Azkue auzoen inguruetan. Hori dela eta, autobus geltokietan aldaketak izango dira 13:00etatik 20:30era bitartean. Julian Elorza Hiribideko eta Tren Museoko geltokiak bertan behera izango dira ordu tarte horretan, eta bi geltoki horiek bariantera aldatuko dituzte, museoko oinezkoentzako zubiaren parera, hain zuzen.