Valvanerara (Errioxa, Espainia) ibilaldia antolatu du Baigera Azpeitiko jubilatuen elkarteak irailaren 24rako. Izena emateko epea zabalik da dagoeneko eta hilaren 17a bitartean inskribatu ahal izango da, 10:30etik 12:30era bitartea, Baigerako bulegoetan.
Hilaren 24an San Martin egoitzatik abiatuko da autobusa, 08:30ean. Ibilaldira joateko 30 euro ordaindu beharko da. Valvanerara bidean hamarretakoa egingo dute, eta norberak eraman beharko du berea. Edaria, berriz, Baigerak jarriko du.
Valvanerara 11:00ak inguruan iritsiko dira eta han bisita gidatua egingo dute. 12:30ak aldean Najerara joango dira, eta ondoren Fuenmayor herrian bazkalduko dute. Biasterin geldialdia egin eta arratsaldean itzuliko dira etxera.